İnvestorlar dövlət əmlakının özəlləşdirilməsi ilə bağlı daha bir imkandan yararlanıblar. Təşkil edilən hərracda 1 səhmdar cəmiyyətin səhm paketi və 22 nəqliyyat vasitəsi özəlləşdirilib.
İqtisadiyyat Nazirliyi yanında Əmlak Məsələləri Dövlət Xidməti tərəfindən iyulun 4-də hərrac keçirilib. Hərracda "Naftalan Qənnadı" ASC-nin 30 faizlik səhm paketi satılıb.
Nəqliyyat vasitələri üzrə keçirilən hərrac rəqabətli olub. Belə ki, start qiyməti 5 100 manat olan “Nissan Sunny” markalı avtomobilə edilən ən son təklif 8 400 manata yüksəlib. Bununla yanaşı, ilkin qiyməti 1 000 manat olan “VAZ-21214” markalı avtomobil 3510 manata satılıb.
Hərracda özəlləşdirilən əmlakların siyahısı ilə https://clck.ru/33ihWp linki vasitəsilə tanış olmaq mümkündür.
-------------------------------------------------------------------------------------------------------------------------------
Qeyd: Səhmdar cəmiyyətlərin səhm paketləri, kiçi dövlət müəssisəsi və obyekti, nəqliyyat vasitələri üzrə növbəti hərraclar 11,19 və 25 iyul tarixlərində keçiriləcək.